蟹皇鯪魚火腿卷

嘩嘩....個名幾有氣派, 好似電視D飲食節目咁, 有時睇佢介紹D中菜, 明明都係好普通啫, 改個名好有氣勢, 咁就收你貴D喇~ 蟹皇喎, 我夠有啦, 咪就係D十幾蚊一包既蟹柳囉~

我見雪櫃D蟹柳同火腿就快過期, 買番10蚊鯪魚肉拿拿聲攪掂D過期野先~

材料: 火腿3塊、鯪魚肉10蚊、蟹柳2-3條、蛋白一隻

1. 先用生抽, 糖, 麻油, 胡椒粉醃魚肉
2. 再用火腿將魚肉卷起, 大火蒸8-10分中
3. 最後打個蛋白獻 (蛋白, 水, 鹽, 豆粉, 蟹柳碎) 淋上面

我 病好番啦~ 雖然平時成日呻: 點解有做運動都唔瘦嫁~ 依家知就算一星期做一、兩次運動, 真係點都好過乜都唔做. 有起病上黎就知喇~ 雖然我平時做運動既時間唔長, 通常跑步20分鐘就死死氣, 游水半個鐘要上水面, 鬼佬成日話我嗰D唔叫做運動. 冇D持久力, 但我勝在會keep住, 每次做得短, 但就每星期都會做運動 (雖然有時都會偷懶, 連繼2、3星期都唔跑吓) , 出吓汗.

鬼佬就間中出去同朋友踢波, 一個月1次,有3次算多喇~ 佢成日懶係勁話自己踢一場波頂我做咁多次運動, 都唔知乜野道厘.  電視都有講啦, 每日十五分鐘嘛, 平時叫佢陪我落街跑步又唔肯, 淨係掛住打機, 嫌我跑得慢又嫌跑步唔好玩.

哈... 扺啦扺啦~ 今次病喇佢~ 由上個月開始我同佢好似玩輪流. 佢一個月前開始感冒, 跟住咳到依家都未好過, 中間(上星期)仲傳染埋比我, 攪到我上星期日發燒, 不過我眼咗一日西藥 (三劑啫) 就好番喇. 連之後我既咳都只係咳咗三日就自己好番喇 (唔知係咪跟住飲咗兩飯薑水呢)

不過我一好番, 佢又感冒再發, 又咳又發冷....唉..鬼佬呀鬼佬, 你以後真係唔好再放假喇, 你放親孖day, 三day都病既; 次次假期都响屋企食藥訓覺, 你都係做野做一世好喇....

好番真係要迫你陪我做d你覺得唔係運動既運動呀~ 你睇我, 幾日都唔使就乜都好番哂喇~ 就係平時d冇料到運動既好處喇~. 哼, 等你仲睇少我~ 哼~