2013年芭堤雅 - 酒店(Bella Villa Metro) +BOOK車篇

由於我一個月前已經上綱BOOK咗車, 所以一到曼谷機場, 司機已經响大堂等緊我地喇~ 呢日冇塞車, 兩個鐘就到達芭堤雅酒店. 
2個人+ 一件行李 1200THB (已包high-way)      坐私家車舒舒服服, 又唔使自己搵酒店, 吸血鬼同鬼佬都情願比多少少錢享受吓喇~

如果大家有興趣可以email問下佢價錢先:  mr_ttaxi@hotmail.com         

不過大家BOOK咗車就一定要用呀, 因為人家都係搵食, 你BOOK咗佢, 佢就頂咗半日比你, 千萬唔好甩底呀! 因為仲有好多香港朋友要用佢車嫁~~

今次BOOK呢間酒店係近芭堤雅海灘, 步行去沙灘只需十分鐘.   Bella Villa 响芭堤雅係有五間酒店, 而呢一間算係中價.

酒店正面呢一排就係面對住海灘, 全高5層, 即係話全間酒店真正面對海景只有10間房.

而我就係BOOK咗側面呢排.....

仲要係最入嗰間...... 但都叫海景房....$304 / 晚 + $269稅   (5晚價錢係$1786)

露台...

個景就....... 但都叫係海景房...

因為....
......
.........
..............

有呢D咁多既海景睇到.......呢到我有D嬲囉! 佢好地地話普通房咪算囉, 等我一早仲滿心歡喜以為300蚊可以BOOK到海景....

不過好彩房間都好大, 又企理

六呎大床點訓都得

洗手間還可以啦....花灑浸浴亦可

可惜酒店位置較私穩, 每次番去都要行條長長既路, 呢段路足以灑到你立即變黑.

不過出去時你可以叫酒店店員工用呢間車仔車你地出去. 不過番酒店就冇嫁喇....除非咁啱有人响酒店出黎比你撞到啦~

雖然佢入口有呢個" Call Tuk-Tuk" 呢個門鈴比你禁, 但我地禁咗幾日都冇試過有反應, 相信係壞咗~

題外話:

九月份芭堤雅仍然高溫, 每日都好灑, 但天氣係好乾. 我以為天氣咁熱一定唔會乾, 所以冇帶保濕, 又冇帶body lotion去, 攪到皮膚爆裂咁. 出發既女士記得一定要準備好~