往事只能回味

 今日執執下屋, 拎咗D回憶出黎睇。 大家知唔知呢D係咩呢? 

小學生既紀念冊是也﹗    (唔知家陣D小學生畢業仲寫唔寫呢?? ) 

呢句記住M , 記住E......真係經典中的經典

小六生的難gap, 由從前到依家都唔覺得好笑~  但童真是美好的﹗ (但.....係光陰, 唔係光暗)

   呢個係我最鐘意既班主任, 當年佢都好鐘意我嫁. 話我好乖, 頒咗操行奬比我 (一班只有三個人拎嫁)

 聖經科老師 - 鐵畫銀釣, 呢D style 既字, 依家真係好少見了

 英文科老師 - 用埋水筆寫, 依家睇番, 唔知以為電腦整出黎添。

以前做老師既, 好似個個都必定寫得一手好字, 唔通係當年入職要求其中一樣??

 我自己都為自己寫紀念冊, 原來我小六已經咁........

再睇睇D同學仔寫比我既.........

................................

.........................................

...................................................

 有D野真係三歲定八十, 我係一個天生戀愛狂。少不更事已經對戀愛充滿幻想喇~ 

 小學時幾位好朋友,畢業後都各散東西, 冇再聯絡lu~~

點解全部都冬菇頭?   當年D媽咪邊有呢個年代D咁潮oY~ 都費事幫我地打扮, 咪索性剪到咁短囉~~

我仲要冇媽咪,老豆係男人鬼識同我打理頭髮咩~ 所以我由出世到中學畢業都未長過博頭嫁 (中學校規唔比留長)

有次仲比老豆帶我去上海鋪剪........我話要剪"松松姐姐"個髮型, 結果...................................

番到學校個個同學仔叫我馬騮頭﹗

十歲時攝於科學館(嘩.....廿年前喇!!!)   -  老爸細個都成日帶我周圍去玩。

可能男人感情上既表達冇咁好, 囡囡都不善於對爸爸表達所想, 兩父女感情一向都普通。到中學仲學壞, 激到老爸半死~

如果廿年前既我知道廿年後既老爸會離開, 可能當初就會乖乖地, 一分鐘都唔希望激親老爸~ 

現在.....往事只能回味了~~