豉油蒸雞飯

冇煮飯兩個星期, 鬼佬個腸胃炸哂型, 因為一出聲D口氣就........


我自己都唔鐘意街飯啦, 所以完成個Job後拿拿聲做番煮飯婆, 免得大家互相被臭氣攻擊! 

蒸雞飯就容易, 响惠康買半隻雞, 求其咁用d鹽、糖、生抽、老抽、麻油醃幾粒鐘, 煲飯時成隻放入電飯煲同煮就攪掂, 真係懶人之選。 


另外開鑊淨係炒個菇就得。屋企最簡單既飯真係比起出街食貴貴既菜色好味得多, 開胃又食多碗飯, 怪唔得我做極運動都唔瘦啦~~ . 嗚嗚~~~~


嘩...啱啱上綱搵吓煮乾鮑既資料, 原來好鬼麻煩嫁, 浸三日, 之後又要分幾日咁炆十幾個鐘。

我得嗰一隻, 都係咪喇~ 等我有機會買多幾隻番黎先煮餐勁啦.