你會點睇讓座?

我地土生土長既香港人, 正常既都會有讓座既觀念。

呢到我就想問吓大家: 如果你見到一個明顯係老人家 (65歲以上), 不過衣著年輕, 甚至睇樣佢應該仲在職, 精神奕奕既"老人家", 你會主動讓座嘛?

吸血鬼係一定會讓~ 有時別人會同我講, 或者被讓座者其實覺得自己雖老但仍然很有活力,好怕被人讓座. 但係我就覺得, 既然你比我年長, 作為後生讓座比自己年老既長輩都係好正常, 體力上都應該係長輩需要座多D.

今日吸血鬼坐地鐡出去時, 見有位65-70歲著牛仔衭既長輩企咗响到, 我就主動起身然後拍拍佢示意佢坐我個位。 當時我感覺周圍既人都有望一望我 (唔知係我多心定點), 事後我唸︰會唔會當時長輩會覺得唔好意思甚至唔喜歡呢? (我仲好有活力喎, 我仲做緊野, 做乜讓座比我呀?)

同一日, 我坐地鐡番黎時, 自己都係企緊既時候. 真係眼見好多人都唔會讓座比D好明顯老人家既長者, 甚至爭位坐。

所以我好唔中意搭地鐡, 一來唔想見到呢個社會已經腐敗到咁, 實情唔好講其他人, 香港人已經有好多人都唔記得乜係禮讓, 公民意識好似已經冇哂咁~二來有好多人怕讓座, 就好似我今日個CASE咁, 怕讓咗反而令被讓座者難受。

唔講唔知, 連鬼佬我都冇同佢講。 有時响街到問人拎錢搭車番屋企既人, 我係會比錢佢地的~

我唔會同鬼佬講, 係因為我怕會比佢話我豬~ 但我自己唸, 佢真係呃我的話, 我只係冇咗十蚊八蚊, 或者佢真係有需要被幫助呢? 可能就幫到佢一餐半餐啦~