2013 紅酒節

 其實呢個美酒佳餚巡禮攪咗五年, 吸血鬼去足咁多年,發覺一年比一年差, 本來今年已經決定唔會去嫁喇. 不過早兩日朋友打黎話未去過想去試吓,好啦, 當係同朋友聚吓既節目啦~

每年都係响西九嗰邊, 今年因為西九發展,就搬咗去中環海濱, 地方細D, 而且我覺得入面野餐既地方都唔及西九嗰邊靚~

買咗芝士、火腿, 開咗枝酒, 三五知己坐响草地到吹吹水, 我最中意野餐既感覺呀!


今年冇收獲, 因為D酒一般貴咗好多, 而且唔太啱我地口味~ 今年酒商D sales一般都差咗, 問佢野十問九唔識, 有D連價錢都記唔到~

幫襯開嗰間D sales又全部冇做, 所以我同鬼佬都好失望~  唉....我地中意飲紅酒既人, 唔係真係為咗買酒咁簡單, 真係想搵d會同我地傾吓心得既sales介紹吓, 吹吓水, 正所謂酒逢知己嘛~

但今年响呢到搵唔到知己囉~ 我估我地下年唔會再去嫁喇~~