淘寶能醫百病

一日至最衰鬼佬, 傳染咗比我。明明我身體好好嫁嘛, 日日做運動。

呢幾日佢病我仲日日串佢︰"唉...都叫你平時做多D運動嫁啦, 又唔見我病?"

結果.......

.................................

.................................

 

做人都係唔好去到咁盡,正所謂: 今日留一線, 他日好相見

鬼佬︰"又話自己幾巴閉既~"

"車~ 我好快好嫁喇!" 

 

不過, 正當我流鼻水流到溫溫鄧鄧時, 唸住上吓淘寶逛吓, 睇吓睇吓.......

"嘩....五個袋都係百二蚊渣, 仲免郵呀"

"嘩.....真係好抵呀"

"嘩.....嘩....嘩....."  

呢個時候又係使出絕招- 姣十度攻擊 

 

(好嬌嗲地走去鬼佬面前)

 " 呀~不如依家訂埋上次你話想買嗰幾粒鏍絲oY! 順便我都想買少少野呀"

鬼佬响毫無防範下答應咗︰"噢, 買囉。"

"多謝老公！" 

結果响淘緊期間, 我異常地精神, 連鼻水都停埋, 所以話買野真係能醫百病嫁~連鬼佬都串我

︰"又話病要訓, 依家又冇事喇?"

(嘻嘻.....女人買野就冇事嫁啦, 仲要係有人買野比自己喎....)