焗茄汁煙肉蟹柳意粉

鬼佬呢排晚晚溫書, 因為仲有幾日要考試, 考到試就升官發財.....我就....哈哈哈.....   (
發夢啦你)  

︰我都唔夠錢使, 養你唔起喎

唉....都係比心機繼續搵錢好過~

 所以呢排D晚餐都係簡單為主, 費時攪咁多野, 拿拿食完又溫書。

整完兩次pizza, D料都仲有一大堆, 唔通又整咩~ 我唔厭鬼佬都炸型啦!

啱哂...又係乜餸都唔使買既時候, 整意粉就最好~ 煮得快食得快~

材料: 意粉半包, 磨菇, 蟹柳, 煙肉

1.煮熟意粉備用
2. 熱鑊煮煙肉 (不用落油, 煙肉會出油), 落磨菇及蟹柳略炒
3. 加入茄膏及水煮開, 落糖, 香草, 少少鹽調味, 最後加入意粉炒勻
4. 放上焗盤, 面上灑上芝士碎, 入焗爐180度焗15分鐘