腩肉炆海參

大家有冇試過响yahoo或goole search食譜或者係自己寫過既blog呢?  我就試過好多次, 係搵唔到的。

以前一打就出哂好多yahoo blog寫既食譜, 依家想搵blog既食譜真係難到冇可能咁滯。

好簡單一個"豉汁蒸排骨"响google一search, 一個blogger都搵唔到, 簡體字既野就大把....真係攪到我地一班寫blog人好氣餒 

寫blog都係想同大家分享, 或者想比有興趣又唔識點煮既人搵到, 分享吓心得......但依家咁, 真係我有我寫, 你有你寫....搵鬼睇喇!!!

雖則話我有我寫,但都不能不寫,因為吸血鬼記性差, 煮完d野下次唔記得點煮, 真係方便自己睇番就算....

第一次炆海參, 响惠康買d平平地既試吓先...見佢白色仲平D, 決定買黑色, 總係覺得平既冇好野. 

材料: 海參 , 腩肉

1. 腩肉, 海參 先用薑蔥水汆水

2. 爆香薑, 蒜, 蔥頭, 落腩肉炒香, 加入海參炒兩下, 贊酒

3. 加水蓋面, 落蠔油, 生抽, 老抽, 冰糖1小舊

4. 炆半小時, 熄火焗半小時, 熄15分鐘, 熄火焗15分鐘

5. 食前加熱埋獻即可