2014年1月12日 星期日

輕鬆D啦~


其實吸血鬼一路都好鐘意戶外活動, 例如行山, 野餐.....叫過鬼佬幾次不如我地試吓去野餐, 佢都"膚顯"我, 明顯唔想去啦. 算喇, 唔好迫佢. 

琴晚同朋友傾電話話不如搵日一齊去野餐, 點知朋友唔係話怕凍就話怕蚊,仲話香港地野餐好奇怪喎~ (使乜理人點唸喎)

再跟另一位朋友話不如去露營, 換來既係:"吓?有床唔訓訓街?"(你都冇D情趣既)



我其實究竟係咪一個外星人黎嫁? 點解我既行為同大部人都唔同既?

定係大部份人香港人比生活、比工作、比呢個社會折磨到連點樣去享受樂趣都忘記咗呢~ 

其實响香港生活真係已經好枯燥了,唔係行街睇戲, 就係食飯打機。真係好悶呀!!! 

一係就放假訓前劈過你死我活, 放假訓到王朝八晏, 起身又一日, 再行街、食飯、打機.........真係好悶呀!!!

點解唔感受吓大自然、出去戶外人都輕鬆D~

我真係好响往一D外國小鎮既生活, 隨便搵個草地就可以坐一個下午咁睇書, 輕輕鬆鬆, 周圍既人都唔會走得快,冇追車既情況出現....... 

香港人, 放鬆吓啦~~
 

9 則留言:

  1. 我都想去多啲郊遊, 帶埋隻狗
    但梁生成日好多藉口!

    回覆刪除
  2. 對呀~~ 我都好喜歡郊遊, 香港到處都係人, 周末就搵方法透透氣!!

    p.s. 我返來了, 久違了 ^^

    回覆刪除
  3. 您講得好o岩,戶外活動可以接觸下大自然,比起行街睇戲更有益!!!

    回覆刪除
  4. 其實都好多同路人,不過我地唔識啫...............

    回覆刪除