天寒地凍BBQ

鬼佬今晚有節目, 呢排天氣又凍, 攪到個人又懶, 日日牛响屋企唔想動, 已經好廢人了。

唔得! 得自己一個人都唔動, 咪變咗孤獨老人?唔可以! 拿拿換衫坐車去街市買番D好野今晚自己嘆~

好彩我呢面個街市出名買海鮮平, 而且買開一檔個太子女都幾好, 唔介紹我買得少。

我走埋去同佢講:"靚女呀, 我今晚自己一個食, 每樣執兩,三粒得嘛?" 

就係咁.....買咗兩粒貴妃蚌, 兩粒馬刀貝﹐一粒大扇貝, 四粒花甲, 加埋$77

 一盒入口即溶既靚肥牛$37 

一包八條多春魚$11

加多包雜$7 + 2隻雞翼 + 2枝啤酒 $20

飽到嘔仲有海鮮食, 使乜幫襯出名D燒烤店呢~ 買個爐番屋企慢慢玩啦~