茄汁肉碎焗長通粉

攪乜鬼野今日凍咗咁多嫁! 琴晚我屋企D風嘈到我訓唔到咁滯, 好得人驚好似鬼哭神嚎咁!

咁鬼凍本來想打邊爐, 但一唸到要坐車落街市.......算喇, 焗野一樣可以keep到熱oY~~ 我焗咗廿幾分鐘, 呢兜食到最尾都熱辣辣, 正!

由於焗爐係最cheap cheap嗰種, 即係放呢種焗兜仔已經頂哂頂嫁喇! 所以次次焗完個面都有D料會痴咗响條熱管到。

想換過大D既爐, 不過又冇位擺......放棄!

呢隻腸响惠X買, $22有六條, 有D辣辣地, 幾好食嫁, 外國腸黎講算最平嫁喇。嗰D五十蚊包得幾條我真係唔捨得買囉~


材料: 
長通粉, 豬肉碎(先用鹽, 糖, 生抽, 香草, 黑椒碎略醃), 洋蔥, 乾蔥,  腸 , X寶牌香甜蕃茄一罐
(材料可隨意: 如磨菇、香腸、茄子、煙肉.....)

1. 長通粉煮熟, 備用
2. 鑊香乾蔥, 洋蔥, 落肉碎炒香
3. 加入香甜蕃茄一罐及半罐水, 調至啱味及適合杰度後即可
4. 焗兜先放通粉, 再放紅汁, 鋪上芝士碎(家中只有片裝芝士), 焗15-20分中


平時我會用茄膏黎煮個汁, 不過發現依家D茄膏越黎越貴, 以前都唔使十蚊一罐。見X寶牌$24三罐, 又唔使再點調味, 決定捨棄茄膏喇~ 仲買多幾罐看門口。