YO~~新年買鞋, 使乜驚呀

幣! 識講呢句, 又透露咗自己年齡添~ 拿拿拿....咪笑呀! 識笑o既即係大家差不多渣

早兩日同鬼佬落去買餸, 佢唸住去pacific買包咖啡豆啫, 點知隔雜間鞋鋪話清貨結業喎。又點知比我發現咗呢對原價$699(個牌寫), 依家減到$399既boot~  

拿~ 唔係我話要買嫁,係鬼佬話好靚, 即刻叫我試嫁...點知我試完又真係好靚喎~~~

唔買真係對唔住鬼佬, 對唔住鞋鋪~  以前就話新正頭唔好鞋鞋聲, 咁平都唔買我真係鞋鞋聲喇~

真係越睇越靚....好想快d著呀!!

新年係令人想使錢既日子, 買完boot, 跟住又見到佢~~ 自從响韓國拎過d試用品番黎試過後, 一試難忘。依家香港都有賣, 又唔使一百蚊, 各位想保濕既姊妹不防考慮佢. 

雖然佢話sleeping mask要過夜, 不過我唔中意整到張床同枕頭都係, 所以只會膚半小時, 用後效果都已經好保濕嫁喇.....力推力推!!!