到家兩星期喇

Bobby黎到屋企已經兩星期喇, 小朋友真係大得好快, 由我第一次見佢 (一個月前), 佢仲好似隻公仔咁, 到依家已經一呎幾長喇~

下星期可以帶佢去打第二針, 希望打第三針時佢仲入到狗袋啦~ 因為我越黎越發覺, 佢老豆可能係隻金毛黎嫁! 嘩....大隻又型仔啊~~~

 

哈...佢個樣好似比我捉姦在床咁~ O哂咀! 

雖然好多人狗係好聰明, 好快可以教識佢去廁所。不過我唸我呢隻蠢D掛, 兩個星期都未識去! 有一半啱一半唔啱, 如果屋企冇人時, 可以話係全部都錯, 唔知係咪有心玩野! 

有人話响痾過既地方噴D白醋, 但呢個方法對佢唔work。我反而覺得佢中意响佢未痾過既地方都痾一篤(覊地盤)。

已經獎罰分明, 痾啱會讚佢比粒糧佢, 痾錯會no佢話佢, 不過佢都好似成個咁呆咁, 唔係好明!

 

你地睇個樣幾呆仔~

 

有時見佢亂痾真係幾嬲, 不過轉頭見到佢咁冧既樣....妖~~想萌屎人咩~~~

呢個楚楚可憐既眼神,再加埋佢d "嗚...嗚...."聲想撩人抱, 問你點頂得住~

頭十日我都比佢入房响床尾下訓,兩日前我終於迫佢自己訓喇! yeah~ 原來只要忍心d, 由佢吠一陣 (5分中) 就得嫁喇~

之前其實都試過唔比佢入房, 但係我地都夜訓, 所以到一訓時佢會响門口吠,鬼佬第二日又要早起, 所以我地就範。

但兩晚前我就一早八點幾推咗佢出房, 結果佢當然吠啦~ 但八點咁早佢吠都唔太怕, 最後5分中後佢死死氣自己玩同訓lu~

依家bobby識聽自己名, 識聽NO, 識sit, 不過我最想當然佢識去廁所啦~~~ 努力呀!!!