BOBBY的第一晚

對於我呢個新手黎講, BB狗黎到我屋企既第一晚, 唔使講大家都估到我一定冇覺好訓喇~ 好彩鬼佬今日都放假啫~

琴日番到屋企後, BOBBY keep住食同訓, 雖然第一次離開媽媽 , 不過可能累得滯, 到夜晚前佢都冇乜野, 叫佢會認我, 仲跟住我周圍行~

 

你睇佢訓得幾冧, 豪無儀態~ 

 訓到咪咪眼真係好鬼可愛~

哈哈...不過一到夜晚我地都訓既時候, 精彩喇~ 我既感覺就好似d媽媽初生bb咁, 每兩個中起身一次, 不過我冇餵奶~ 

bobby一訓醒見我地唔响身邊, 係咁嗚.....嗚.....結果自己跳入我地睡房 (有兩級地台), 响個床尾繼續訓.....

以為冇野? 錯喇! 兩個中後佢起身又係咁嗚....嗚.... 如是者....我就係咁每兩個中比佢嗚醒。

又怕佢响地台痾咗尿, 所以佢一嗚我就起身抱佢出去睇吓佢係咪想痾~~

bb離家真係好痴人, 我要比心機,等佢慢慢習慣新家~

衰豬係暫養人到識响尿片痾, 我用番暫養人既尿片, 佢就係偏唔响上面痾, 每次佢訓醒都會尿尿, 等我帶佢入廁所後佢就偏唔尿尿. 情願响廁所訓覺都唔痾, 一出黎就响廰痾喇~

bobby唔使驚嫁~ 呢到係你屋企, 唔使周圍痾覊地盤嫁~~ 哈哈....

唔知教幾耐佢先識呢? 要努力!