屎尿訓練 - day 2

Bobby︰ "呢到邊到黎嫁?? 媽媽响邊呀? 我d兄弟姊妹呢?  點解冇哂d同類嫁? 好驚驚呀"

Bobby︰"我最中意放個頭落主人隻腳到訓覺........e? 點解好似怪怪地既?"

吸血鬼︰"我隻腳走咗出黎喇傻瓜 , 呢隻叫拖鞋唔係腳呀"

 雖然我未生過仔, 不過聽好多人講BB仔初出世爸媽頭嗰排都冇覺好訓。

我終於明白到喇, 雖然我養既係狗BB, 不過都係一樣冇覺好訓, 呢幾日我一眼都冇離開過佢。

接番黎時暫養人話BOBBY同幾兄弟都會响尿片上面痾, 雖然我用番同樣既尿片, 但番到我家就點都唔肯响上面痾, 可能係冇哂D兄弟冇得跟風, 又或者係地方阳生......佢總係响個廰周圍痾.

第一日我用最多人講既方法, 佢一痾錯, 就捉住佢輕打patpat然後鬧佢, 再即刻帶去入廁所。幾次後我發覺唔work, 反而令佢覺得"一痾尿就會被打"

所以第二日我問咗D養狗朋友, 轉咗另一個方法.......

朋友話佢隻狗頭一,兩星期係困响廁所既, 不過我隻仲係BB, 我一關門佢就吠到聲嘶力竭, 怕嘈到樓上樓下....

所以我將廁所擺陣, 訓、食、痾。冇關門, 開住門用D拖鞋圍住扮困住佢, 佢一想走我成個人坐响門口擋住佢, 真係一眼都冇離開~

我就响書房望實佢, 由於佢依家大部份時間都係訓覺, 而佢多數都係訓醒就痾, 所以佢一訓醒, 周圍聞時, 一想出廁所時我就推番佢入去.....

不過好多時佢情願唔痾, 又繼續訓.....幾次後, 佢終於走上企缸到痾喇!!!

太開心了, 緊係即刻讚佢GOOD BOY, 摸摸頭~不過佢好似唔明, 反而好驚, 可能只係記住第一日比我打patpat, 所以今日佢再痾錯時我冇再打鬧佢喇~

夜晚訓覺係我最唔放心既時間, 因為佢响我睡房訓, 我怕佢一痾落地台就大獲喇~ 雖然佢唔會响訓既地方痾, 不過因為地台有兩級樓梯, bobby上就快但落仲係驚驚青青咁,怕佢急得滯落唔到樓梯就痾咗~~

轉咗呢個方法係, 佢痾咗5小1大, 有3小一大都中, 唔中嗰兩次就係因為我唔小心比佢走咗出廰喇~  

要繼續努力! 一定得的!