蕃茄薯仔煲魚湯

早兩晚, 我同鬼佬竟然一齊响半夜又痾又嘔, 但奇就奇在, 我地响唔同地方, 食唔同既野!

我出街食完雞煲番黎, 訓到半夜兩點起身嘔同痾; 而鬼佬嗰晚係番通宵更, 响公司食完飯又係半夜嘔同痾!

真係講番我都覺得奇~

我呢D肥C大隻, 嘔完痾完緊係冇事啦~ 鬼佬就訓足一日一夜, 琴日起身個人仲暈暈地咁, 我就煲番個開胃湯水過佢嘆吓~

呢個湯我真係好鐘意飲, 一路飲一路話 "好味..好味". 我鐘意酸酸地, 又清清地, 呢個湯好清甜, 一D肉都冇落, 只有魚, 蕃茄4個, 薯仔3個同甘荀2條, 煲咗兩個鐘, 出奇地夠味! 

再炒番兩個家常菜,肉碎豆腐同炒菜。

鬼佬食咗兩碗飯, 仲講︰"本來我都冇乜胃口食嫁, oY~ 但老婆你又煮得幾好食喎, 又開胃番"

聽完真係好開心呢~  煮飯都係為所愛既人食得開心同健康, 所以煮得辛苦D都抵的~