元朗食河粉

 上星期朋友話帶我食好野, 入左元朗一間叫"嘉麗園"既粉麵鋪食牛, 其實呢間野好出名嫁, 不過都係第一次食。

成間野紅檔檔咁, 好似過年

 人家話佢地辣椒油好正, 不過我又唔食得辣, 都係冇買喇~

唔係講笑, 佢D牛真係好正~ 我食親出面D牛腩都痴牙, 所以依家好少會叫牛腩食, 不過呢間真係掂。 碗牛腩河一黎到我一睇個樣已經覺得好靚~ 

 肥瘦均勻, 食落又唔痴牙, 個腩汁仲好夠味~

另外散叫咗一碗牛雜, 三個人都食唔哂.

再睇吓佢個牛雜山....好美味啊....

大家留意餐牌右上面, 有牛特別部位食. 可惜我兩個朋友都怕怕, 我一個人又食唔哂. 所以約定鬼佬下次一齊入去試吓。其實有乜好怕, 人一世物一世, 乜都要試吓嘛~ 難得佢有供應, 真係好想快D去試~