南瓜汁腸仔焗長通粉

原來自己有好耐冇寫BLOG喇, 早排過年比較忙, 晚晚都好夜收工。已經有好耐冇煮飯, 連湯都少飲, 所以過完年後又勤力番喇。

 

 

 我好鐘意食呢個意粉, 又平又簡單, 材料一目了然

1. 先將南瓜蒸熟後攪爛 (一般要攪拌機打, 不過既然冇機打, 就用最簡單既方法, 師奶仔屋企邊有咁多花巧野oY)

 2. 今次食好D, 加D德國腸, 成四十幾蚊包嫁, 煎香備用

 3. 炒香廚房腸及煙肉, 洋蔥

 4. 加入長通粉及南瓜蓉, 再倒入鮮奶, 慢慢調味(加D鹽、糖、香草)至啱自己口味及杰度

 5. 最後鋪上德國腸及芝士片(都係屋企有乜用乜), 180度焗15分鐘攪掂食得

第二日放工我同鬼佬去咗西餐廳食, 佢有個南瓜汁魚柳意粉, 我一於叫黎試吓。我唸識煮飯既你唔使問都知嫁喇,  自己整既一定好過出面。我叫嗰個根本唔係南瓜汁, 係南瓜湯!!!

我幾想即刻拎我個飯盒出黎叫佢試吓咩叫南瓜汁意粉囉!!! 哈哈.....