請勿遺棄!!!

早幾晚, 我walk bobby時發現屋企樓下水渠道內有隻小狗仔, 好驚又震咁, 當時我自己都唔知點做, 又拖住bobby, 結果我立即將bobby先放回家, 然後自己再落去, 好彩小狗仲响到。

最後我將狗狗帶番屋企, 幫佢抺乾淨, 又餵佢食糧。經我同狗友們觀察, 呢隻狗仔應該大約兩個幾月,而且係有人養開, 因為身體都算乾淨, 而且唔怕人。

真係唔知咩人咁狠心, 咁可愛既狗仔都掉出街

 

 帶番屋企後開始唔震, 仲好痴人添. 當晚佢同bobby都有交流, 會一齊玩嫁。

可惜我家已經有bobby, 暫時真係冇能力再handle多一隻, 所以打比義工朋友幫手。

 第二日將佢帶去領養日碰碰運氣, 可惜兩日領養日完結都冇消息, 依家小狗暫住義工家。而我同一班狗友亦夾錢支持呢隻狗仔既針藥費用。

 希望佢早日有家啦!  小狗狗, 祝福你, 你要努力呀!

所以, blog友們, 如果你地及身邊朋友有興趣, 請比個機會佢啦~

 

响到真係想痛罵一D遺棄動物既人, 無論咩理由, 咩藉口, 都唔能夠將一個生命咁隨便放棄!!

一件衫, 一個公仔用得耐都會有感情, 唔捨得掉; 更可況一個活生生既生命, 咁有靈性既狗狗。真係唸唔明呢種人心內唸乜, 衰D講句, 呢D唔可以稱得上係人囉!!!!