(呢篇blog會較長同多相, 因為想詳細介紹呢間日本放題, 誠意推介)
上星期同朋友去咗尖沙咀食放題, 其實我不嬲唔係好食自助餐、放題、或任食火鍋的, 因為一來自己食唔唔到咁多野,二來多數係係"垃圾", 真係衰D講句, 比得任食你點會好野。
不過見呢間野食評唔錯, 就一於去試吓。我BOOK咗閒日既下午去食, 唔使同人迫, 兩個人都有卡位位, 而且又平D, 最重要係食物同夜晚係一樣嫁!
午市只有1200-1500呢個時段, 計埋加一$261/位。 其實呢個價錢,出面有好多垃圾放題都差不多, 所以有時真係比多少少錢好過。
餐牌全部比我映哂, 大家有興不防去試, 不過聽聞如果book晚上或者假期都要等好耐嫁。我呢D 自由工作者當然食閒日下午啦....嘻嘻
佢既刺身都幾新鮮, 而且就算你叫好少, 佢都會放得好靚, 個賣相已經加哂分。不過始終兩個人, 食咗兩round都冇再叫喇
我好欣賞佢既壽司, 舊飯好細舊, 食多幾件都唔怕話會飽得滯
海膽軍艦 - 我黎既最主要原因係因為有佢, 好多放題都冇海膽嫁, 而且佢都算新鮮呀
燒帶子- 好大隻, 而且熱辣辣, D汁又較得好味, 我食咗兩隻
咖喱對我黎講有D辣, 而且蟹肉唔得, 係咁e試過就算
天婦羅 - 佢既野標明係新鮮整, 果然, 出到黎真係出煙, 唔係翻熱嗰種, 真係新鮮炸嫁。
羊架好so, 我好愛. 但怕so既人未必啱食
炸芝士年糕, 好芝士好香, 不過食一粒都好夠皮, 因為都滯嫁, 保持戰鬥力最緊要
佢既甜品係一啖一件, 我中意咁樣, 因為咁先可以試多幾件。
但甜品黎講佢唔算好出色
但每人都會有一杯haagen daza雪樣, 呢樣真係唔錯
呢三樣都冇乜特別, 下次可以唔使試。
總括呢間真係掂, 待應又細心, 從未試過漏單。可能都係因為閒日下午關係, 全場都冇爆, 情況會好好多。
下次有機會會同鬼佬去試吓, 不過我同佢講, 佢既戰鬥力太低, 需要餓三日先可以去食....
尖沙咀加連威老道2-6號愛賓商業大廈後座1樓102號舖
沒有留言:
張貼留言