我記得以前我係唔鐘意食羊嫁, 直情連少少"so"味都頂唔順。記得有次同班朋友打邊爐, 有人叫咗碟羊片, 點知落完羊片後, 我就全程冇再食了, 因為成煲都有羊味。
唔知幾時開始, 我就愛上羊~ 羊架、羊肉、羊腩...通通都愛, 仲要係唔"so"唔愛! 年紀大, 口味就唔同了!
不過依家D羊越黎越貴, 而且冇乜羊so味。出去大排檔甚至賣成二、三百蚊一煲, 仲要得嗰幾舊仔羊腩。不如自己响屋企整好過!
再買D丸、菜...加埋啤酒.....真係"滾一滾, 神仙都企唔穩"呀~~~
羊腩2磅 (購自大棧)
做法︰
1. 羊腩汆水以去油份 (我只係係咁e汆, 大約1分鐘, 因為我嫌佢唔夠so, 所以唔想汆水太耐去哂D味)
2. 熱鑊爆香蔥頭, 薑, 蒜頭, 落羊腩炒並加入柱候醬3湯,南乳2湯匙兜炒, 贊酒
3. 加入馬蹄及水蓋過羊腩, 加入冰糖
4. 大火滾起後轉中小火炆30分鐘, 熄火焗30分鐘, 開火再炆30分鐘, 又焗30分鐘,最後食前加熱
(中間需自行試味 )
我同小魔怪,超級鐘意食羊呀!
回覆刪除識食一定要食羊啦...^^
回覆刪除呢幾日香港凍咗, 整多次羊腩煲就過癮啦!
回覆刪除