狗友生日派對

琴晚係BOBBY老友既16歲大壽, 我就親手做咗一個南瓜味狗狗蛋糕送比狗友仔。自家整既蛋糕, 賣相當然冇出面咁靚, 但材料天然, 一定食得放心。

"HELLO~我叫CHOW CHOW呀! 今年16歲, 係一隻狗瑞喇~~ 你地睇我仍然老當益壯, 幾靚仔呀~ 汪汪...."

 呢晚幾位狗主同狗狗就相約响平台攪個party仔, 狗狗有蛋糕食, 我地人都有小食, 啤酒氣水任飲! yeah~~~

有得食有得玩, 毛孩們好開心呀!!

BOBBY: "個蛋糕係我嫁...係我嫁...係我嫁....."

由我整蛋糕開始一直都冇離開過個蛋糕, 衰仔以為成個蛋糕都係佢嫁~~

為食BOBBY除咗好心急食咗自己嗰份蛋糕, 仲走去問其他主人攞野食, 我都唔知佢呢晚食咗幾多野....唉.....結果.............

番到屋企嘔咗三鑊!!!

原件蛋糕咁嘔番出黎!!! 佢根本冇咬到件蛋糕, 心急到呢......

好彩嘔完冇事, 大覺訓天光lu~~~