木瓜雪耳蘋果煲豬展

秋天到咗, 我見好多BLOG友都勤力咗煲湯, 我都唔可以偷懶。今日响惠康買咗木瓜雪耳湯包, 自己再加多兩個蘋果, 嘩....煲出黎啖湯仲有D漿口, 感覺好有骨膠原呀!

雪耳又稱銀耳或白木耳 , 有人亦叫佢做"平民燕窩"﹐因為佢o既營養價值絕對唔會比燕窩少﹐所以想靚而又唔想使咁多$$的朋友們 , 不防考慮雪耳。

功效︰

潤膚、去斑。   增強免疫力。    防癌抗癌。   保肝護肝

 

選購雪耳小心得

- 以淡黃色﹐根部顏色略深為佳

- 白雪雪﹐你見佢好靚嗰D就唔好買喇﹐因為係經過好強的漂白程序

- 食用前先用水浸發到軟身﹐剪掉根部就得

溫馨提示︰雪耳含有較多的硝酸鹽類﹐而隔夜的雪耳湯响細菌的分解作用下﹐硝硝酸鹽被還原成有毒的亞硝酸鹽，它在人體內與蛋白類物質結合，生成強致癌性的亞硝酸鹽類物質。

。 (所以大家千其唔好飲隔夜雪耳湯喇﹗)