南乳芋頭炆鴨

今日睇電視見到教人整芋頭炆鴨, 一於挑戰自己!

鬼佬:"挑戰? 唔係好難啫! 難唔到你做乜叫挑戰呀??"

吸血鬼:" 你唔記你老婆皮膚敏感係濕疹王咩? 芋頭毒、鴨又毒, 我想挑戰自己食完呢兩樣野後會唔會爆發呀!"

結果實證吸血鬼對呢兩樣野係冇敏感嫁~ 又試到喇~   但點解食燒味飯時, 食嗰d鴨會即刻隻手出咗粒粒、又紅又痕既??





材料: 米鴨一隻$30, 芋頭三個$10 (全購自佳寶)

1. 鴨先淨, 剪去pat pat位置, 切件, 用生抽, 酒略醃
2. 芋頭切大件, 先煎燶表面少少 (煎吓等佢炆時冇咁易爛)
3. 熱鑊爆香 薑, 蒜, 蔥頭, 蔥段, 落鴨煎幾分中至有少少燶
4. 加入芋頭略炒, 加入調味 (南乳2磚, 冰糖1舊仔, 水蓋一半)
5. 大火滾起轉中小火炆三十分中, 熄火焗三十分鐘 (等肉質淋), 再開火炆三十分鐘
    (期間調味及要不時攪吓, 因為芋頭會痴底)

(我d芋頭好粉, 所以炆既初期已經爛哂了, 唔想食一"patpat"咁,最好最後廿分鐘先落芋頭) 




真係勁好送飯嫁, 你地又快d煮喇喂~~