雜菜湯

 

 吸血鬼其實一向都唔贊成節食減肥, 响應做運動黎減肥, 不過眼見做極都冇成效 (仲越做越肥) 。 

可能生活真係太放鬆 (唔用腦既人真係冇乜壓力, 冇壓力自然肥)

上綱見過有減肥菜湯食譜, 不過我係冇可能食減肥餐囉(淡某某點食呀)~  

所以唸住改少少,將純菜湯加少少碎肉、薯仔、蕃茄醬, 唸住有味D, 以後每晚淨係飲湯食菜~

 椰菜、西芹、洋蔥、蕃茄、薯仔、甘荀、茄膏、碎豬肉

全部炒呀炒......加水、加茄膏, 煲大約半小時........落鹽調味......

 表面睇係一煲好美味既湯, 但我想話.....當你晚餐只係得呢兜野時, 個感覺真係好空虛

 而我就炒咗碟好美味既烏冬..........望住鬼佬食得好滋味既樣......

"喂﹗你咪咁慘既樣望住我啦﹗邊個叫你無拿拿飲呢D菜啫~ 屎忽痕呀你!! "

"我唸住雙管齊下, 做運動加夜晚食少D減肥嘛~"

"雙管齊下?? 你不如滴露 + 批霜啦~   哈哈........"

 去死啦!!!!!!!!!!!!!!!!

結果, 我成晚都有生無可戀既感覺。睇黎我都冇可能飲食上有幫助, 都係勤力D做多D運動啦~