邪惡芝士撈丁

有時電視節目真係會令人嗰排煮野跟風嫁~ 上星期肥媽煮茶記美食, 我心唸自己都好中意食呢個芝士面喎, 又自己整吓先!

唔使我講大家都知點解會叫邪惡啦~一路煮一路有罪惡感! 今日仲早咗食晚餐, 因為唸住多D時間消化吓, 早D食快D做運動!

材料: 豬頸肉, 牛奶100ml , 芝士四塊, 公仔面, 西蘭花

1. 豬頸肉先醃好, 煎熟備用
2. 公仔面煮熟過冷河, 一個面撈半包味粉, 上碟備用
4. 西蘭花煮熟,備用
3. 小火煮牛奶, 加入芝士煮溶 , 如想汁杰即加入面粉推勻
4.  完成後淋上公仔面, 再鋪上西蘭花及豬頸肉即成

(好多人會加埋牛油, 但我實在太有罪惡感, 太肥了, 唔想再加喇)
(我認為芝士夠咸, 所以冇作任何調味)



(我既做法係淋芝士汁上去, 但有人會再將公仔面回鑊撈埋d汁, 我怕太咸太滯, 所以分咗一碗汁另上)

完成! 真係一D都唔難, 而且仲煮得好好食, 鬼佬話好食過出面 (耶, 真係識"tum"人啫) 

不過同整蛋糕一樣, 自己整完就怕怕了.真係好肥, 我唸未必有下次了.