咖喱炒蟹

今晚睇東張西望講劉家輝師傅, 真係睇到我好心up~ 自從幾年前佢中咗風後, 成個都落哂型。以前佢仲要係一個身體健康, 外型fit既功夫師傅, 點唸到一場無情既大病就變成咁。

最無情既係當佢有病時, 响佢身邊既家人都離棄佢。雖然佢地有乜家事外人真係好難明,但我覺得點都好,點都係一家人, 家人有事時以前既野應該算數啦。點可以咁忍心嫁?!! 

有時我都唸, 人太大年紀真係未必係好事, 如果冇人响身邊, 要咁長命做乜? 好似我咁, 老咗的話, 鬼佬又走埋, 自己又冇仔女, 如果仲要身體唔好, 真係情願快快走去搵老伴好過.....

好喇, 唔好再咁sad喇~ 講番隻蟹先. 早幾晚煮咗泰國菜, 想記番低炒蟹個食譜, 等下次有所改進

材料: 大蟹2隻, 蒜, 薑, 洋蔥, 莞茜, 芹菜

調味料A: 3湯匙咖喱醬 + 1湯匙魚露 + 1碗水

調味料B:  蛋2隻, 辣椒油1湯匙, 淡奶3湯匙, 魚露半湯匙, 糖半湯匙


1. 蟹先乾淨斬件, 抺乾淨再上生粉, 落油鑊炸完撈起備用
2. 熱鑊爆香爆料, 落蟹炒香, 加入調味料A, 加蓋焗2分鐘
3. 開鑊加調味料B, 試味到合自己口味即可埋獻上碟

(我用利川牌咖喱醬, 略嫌咖喱味唔夠, 下次應該會轉用泰式既咖喱醬)