芝麻醬撈冷麵

呢排天氣熱到咁, 我唸好多BLOG友們都少咗煮飯。我連湯都冇煲呀, 飯又唔想煮, 煮完成身汗, 食都冇胃口。 

至慘係琴晚炒完個泰式炒飯, 鬼佬係咁E食咗半碗就冇胃口喇, 我都係食咗一碗渣....

流哂汗咁辛苦後又冇胃口, 咪攪我喇。今晚一於整個冷麵!

單單煮個麵同煎蛋皮, 加埋洗吓切吓, 都已經成身汗喇~  不過食D凍野點都有番D胃口, 我都鬼佬都食到一大碟.... 

呢幾晚都係咪鬼攪我喇, 我罷煮呀! 

成個冷麵既精髓就係呢支沙律醬

材料: 日本冷麵一包, 彷真蟹柳幾條, 青瓜切細條, 蛋絲 

全部撈埋一齊就食得, 整定多D放雪櫃, 第二日繼續食亦得

 (不過記得食時先好撈醬呀, 唔係會出水嫁)