苦瓜黃豆煲豬展

天時暑熱, 真係煲番D瓜瓜菜菜湯先舒服。上排有同事問我買邊隻苦瓜煲先唔苦, 我提議佢買大丁 。

呢種長長地, 淺綠色既就唔會苦喇, 街市叫佢做大丁, 我次次都煲佢嫁。

記得第一次買咗一種深綠色, 肥肥短短既, 點知煲完苦到我...... 好似叫雷公作, 我以後都醒喇, 唔會再買嗰種。

其實我本身唔食苦瓜的,無論煮得點好食, D人話唔苦, 我都係唔會食嫁。不過煲湯又會飲喎, 原因真係煲完湯冇咗嗰陣苦味。

 苦瓜 - 清熱解毒、利尿、降血糖

黃豆 - 延緩衰老、降膽固醇、預防高血壓


大家快D煲黎飲喇~