瘋狂11月

我好耐冇寫BLOG喇,因為冇乜煮飯嘛! 呢個月我自己都玩到有D厭呀, 皆因鬼佬放咗十日大假, 我地雖然冇每晚, 但由放假前已經開始, 斷斷續續係咁玩.......係咁食......係咁飲.....係咁醉..........

我開始驚喇~~~

 

11月2號開始, 大閘蟹加壽司之晚, 兩枝紅酒+一枝白酒幾乎我同一個朋友飲哂. 唔使問, 醉咗! 但我竟然仲可以醉住酒半夜一點放狗~~ 勁!!

第二晚同舊同事出去深水埔打邊爐, 經過琴晚後, 對酒精有D驚, 呢晚安全番家, 一滴酒冇飲。 

幾日後, 鬼佬話朋友响日本買咗枝酒比佢, 好想試呀!所以呢晚同班伙記打完冷啤完都未夠皮, 叫埋個朋友上黎試新酒, 我頂唔順,飲到四點我已經入房訓喇! 到五點仲聽到兩條友响個廳到鬼咁嘈~ 鬼佬第日totally KOed~~~哈哈......

 

 

 一個星期未夠, 邊爐之夜。勁飲勁食打海鮮, 新鮮肥牛, 每人都唔使二百蚊就食到好野。又係玩到天光先散~~ 好彩第日放假~



三日後, 朋友開PARTY, 又係玩通頂, 飲到又痾又嘔~~~唉...為乜呢?!!
 

 又隔幾日同鬼佬兩條友BBQ, 呢幾枝啤酒碎料啦, 淨係BBQ都唔止呢到啦~~不過冇醉~~放心放心,同鬼佬二日世界吓啫.

第二日, 鬼佬話好掛住個fd, 第日又唔使番工, 一於落bar同個朋友吹吹水, 我呢D跟得夫人緊係痴到實啦~ 又飲到四點幾, 第二日暈陀陀~~~



夠喇夠喇~~~ 呢個月玩夠喇~~ 要煲番個湯補補佢, 醒醒神先得~

所以今晚好清淡炒個飯同菜, 再煲個粉葛赤小豆粟米湯, 飲咁多酒要祛吓濕喇! 

今個月掛住玩, 攪到個人好冇精神, 計埋今日只係做咗兩日運動, 對我黎講係好有罪惡感呀!  我要調番正D生活呀!! 鬼佬你唔好再放咁多日假喇! 分開放好嘛?!!