話說有一日, 我問鬼佬: "你下星期一係咪放假呀?"
鬼佬: "星期一? 放假? 做咩呀?"
"唔記得!!??"
男人都係冇乜節日觀念嫁喇! 算! 我同佢講: "唔理, 總之嗰日我要食好野, 食乜你唸啦, 我唔唸呀!"
結果鬼佬真係有search過, 因為我超中意食日本野, 所以就帶咗我去尖咀食好野喇~
藍鰭吞拿魚三色刺食定食 $198
D刺身真係入口即溶嫁~~~ 好美味呀!
我最愛既海膽飯
我一路食一路好滿足咁講 :"好味呀, 好味呀...." 攪到隔雜枱D人以為我大鄉里出城。 之但係.....我真係好愛海膽, 所以真係好好味囉~~~
炸豬扒 -炸得好鬆軟, $88份都算合理啦。
兩個人每人一個定食, 再加份豬扒, 真係啱啱好喇~! 再食多樣都食唔落了~
乾杯!!! 結婚週年快樂! 我要唔係週年都食好野.....YEAH~~
呢間餐廰真係唔錯嫁, 不過佢冇得訂位。如果想食就要早D去喇。佢限時1.5小時, 一定要人齊先比入去。
我當日閒日六點半去, 由於好多客人仲等緊朋友唔比入, 我同鬼佬一去到就入得喇, 但7-8點係高峰期, 門口多人到企都冇位呀!
沒有留言:
張貼留言