蕃茄薯仔甘荀煲魚湯

星期五晚同前上司, 鬼佬, 三個人去咗打冷加唱K, 嘩...真係好耐冇唱K, 家陣唱K真係貴到呢~~

我地呢D人冇番D酒响身邊係唔夠盡情, 唱得唔夠放的! 就係咁....埋單千三蚊 (我請)@@@ 皆因前上司每次出黎飲飲食食都請咗我好多次嫁喇, 今次點都要萬歲番一次!

(不過真係肉痛到呢 ><  )

唱吓飲吓 , 咁又玩到四點喇, 第二日仲頭暈暈, 眼花花咁。一唸起酒都怕怕, 所以煲番個蕃茄湯, 酸酸地等自己醒吓, 又開吓胃! 

街市買咗一份紅衫魚仔$20、$6甘荀、蕃茄薯仔加埋$10, 瘦肉$20 

計吓計吓, 真係唔好講笑, 唔好話唱K貴, 一個咁普通既蕃茄薯仔湯都差不多$60, 生活真艱苦呀!!