吸血鬼廚房: 第一次露營

咁大個女第一次露營, 我地四個人都係新手露營, 朋友早幾個月已經响淘寶買咗好多營具, 講咗好耐話想一齊露營。難得大家就到假期, 好啦~ 我都問人借個營黎玩吓。 (如果真係啱先自己買嘛)

第一次露營我地就BBQ + 露營。營具方面我只係問人借, 所以好唔齊全。借咗個營但又冇地墊, 又冇睡袋, 攪到琴晚訓到背痛, 又越訓越凍......

不過經過今次後, 下次會準備得更好。而我同鬼佬都覺得露營好好玩呀, 決定自己都要買番套營具番黎~~YEAH!!!

我朋友坐咗落張廢人椅到就冇離開過了, 呢個背影好似D"等夕陽既女人"~
(夕陽一出, 女主角就會屎嫁喇......)

天一光就走喇, 因為我地冇準備早餐。撞啱今日又有跑馬拉松封咗路, 成條路冇車, 正!!!

呢盞爐燈真係救命燈, 琴晚响冇被訓覺既情況下, 全靠佢, 個營入面先暖, 不止於凍到震。

試咗一次後, 我愛上佢了....以後要搵多D新地方, 希望可以帶埋我家BOBBY一齊去玩呀!

新手如我可以試下呢個地方 - 涌背

有正規洗手間, 有BBQ爐....weekend要早少少入去搵位呀, 唔係就好似我咁, 六點入到去都冇靚位了~~~

吸血鬼廚房