本來今個星期約咗個義工去元朗一個車場睇隻三歲將無家可歸既唐狗, 其實吸血鬼講話養狗已經講咗好耐。不過每次都比鬼佬反對。
我原意想領養一D體型已大定既唐狗,因為唐狗忠心,又易教,冇咁多病。不過鬼佬每次都話:"唐狗唔係呢D屋企養嫁!我地又唔係住村屋!"
鬼唔知細狗慳地方咩! 不過邊有咁多細狗領養呢~~ 而且雖然我唔係住村屋,但500呎既屋企我都唔覺得真係好細啫! 而且我咁得閒, 每日都會walk狗既, 都唔明鬼佬咁固執做乜.
佢話養狗要隨綠喎, 唔通無拿拿會有自來狗咩? 唔通無拿拿有隻狗搭life上黎廿樓拍我門咩?
激屎我呀!
咪激親自已, 煲啖湯比自己補吓..
章魚- 補益氣血, 但有重濕疹者少用
蓮藕 - 補心益脾，養顏活血，止渴利尿
下綠豆是為了中和蓮藕的熱性，若是體質虛寒的女士，比較適合把綠豆換成紅豆或花生，再加幾粒去核紅棗，更有補益養血的功效
煲湯前將綠豆釀入蓮藕內,咁煲出黎既湯就唔會周圍都係綠豆喇~
養狗係好大的責任, 我地晚晚放工番黎都要放佢, 有時放完佢, 安頓好, 先自己出街食飯, 風雨不改; 去旅行又會好煩, 會極度擔心
回覆刪除養BB反而可能冇咁痴身, 因為會有工人
大狗可能一日要放兩次添, 佢地需要多些活動量
要認真考慮
希望狗狗們搵到安身之所, 有人痛錫!
其實唸咗好多年嫁喇...不過以前租屋住所以唔行動,但三年前買咗自己屋企,開始唸多D, 到二年前開始冇番全職更加想..
刪除領養都要隨緣.........話唔定好快有哩一日呢~~
回覆刪除兩大碗吖唔該^^
只衰鬼佬連領養去登記呢步都唔肯行, 咁好難隨綠...
刪除兩大碗夠嘛? 比夠三碗你.