真係好耐冇食過出面買既急凍餃喇~ 依家習慣咗自己包, 由初初要好耐先包完, 到依家由醃肉、切菜、包埋.....兩吓散手攪掂哂!
琴晚同鬼佬下午茶都食得好飽, 所以晚餐都唔想煮飯喇. 求其响雪櫃拎D餃出黎蒸, 再炒個椰菜。
都唔知係我炒菜難食, 定係男人真係唔多中意食菜? 每次我都覺得鬼佬夾菜時一條條咁夾, 我就一束束咁食, 佢好似好膚顯食菜~
又懶飲水、又懶食生果 (當然我會迫佢食同jump埋水比佢啦, 我係屋企既奴隸)
鬼佬成日都冇精神, 成日見佢一放工就好累, 一上車就訓覺。 (不過一打機鬼打咁精神, 有得玩又係) 都唔知煲d乜, 煮d乜可以令佢經常都有活力~
唔怪得好多人都話女人襟捱D, 女人又要番工, 放工又要煮飯, 打掃, 媽媽級仲要湊仔, 但上到巴士, 一般都係男人訓屎左, 好少見到女人會好累~ (女人更加長命D添)
琴晚煎餃子時隻手辣到落個鑊到...其實我成日都會咁, 因為我一路煮野會一路抺爐頭, 我係忍受唔到污糟嫁, 一下都唔得!
所以特別係煎野時, 成個爐頭都係油, 我就會一路抺, 結果冇為意就....."hi"一"hi"到個鑊邊就攪成咁喇~
吸血鬼，我隻手同你有得揮，都係好似你咁一路煮餸一路抺爐頭 啲油積 而且"燙" 到，整日燙到周身烙印，冇塊好肉，依家連背心都唔夠膽著................慘咯！！！
回覆刪除真係好難忍個廚房有一刻污糟嫁.
刪除辣到咁傷有冇搽藥膏呀 陰公
回覆刪除我都係 由其事煎 炸食物時 見啲油彈哂出嚟就會忍唔住即刻抺 所以我都成日辣親手
原來好多女人都會咁嫁..我都唔係特別的一個..好彩.
刪除