2015年1月15日 星期四

鬼佬生日


鬼佬上星期生日, 都冇乜特別節目。我唸人大咗, 都唔會好似以前咁生親日都攪一大堆野, 搵一大堆唔知係咪朋友既朋友去唱K飲酒。

我同鬼佬都唔係後生仔女喇, 呢D野咪攪我~  所以我同佢都係靜靜地咁過一個平淡既生日。



鬼佬鐘意打機, 買個新耳筒等佢慢慢享受。雖然好多女性都勁憎自己另一半日打夜打, 實情有邊個鐘意oY, 但都冇計。掉番轉唸, 佢玩打機即刻會留响屋企, 佢玩第味連屋企都唔番, 睇唔到佢仲死~ 


所以, 女仕們, 睇開D啦~~




下晏同鬼佬去睇"救參96小時" , 睇咗以前二集, 呢集叫最普通, 冇以前二集咁彩精了。

睇完戲就去吉豬島買扒番屋企嘆


 呢塊和牛本來賣成三百蚊, 我一定唔會買。點知佢半價, 就買一塊番黎試試, 嘩....真係好正, 入口即溶, 唔使好熟, 唔怪得D人成日話要食和牛, 真係掂~

 




就係咁, 兩個人平平淡淡, 拍拖睇戲鋸扒飲紅酒....咁過咗生日喇~ 

平淡是福~~~ (點解講野咁老人家既?)
 

6 則留言: