南乳焗雞翼

 呢個根本上係一個零失敗既懶人餸。只要屋企有以上既調味料, 唔識煮餸既人都一定整得出呢個又易又惹味既雞翼。

雞翼真係各大師奶們屋企既鎮山之寶, 真係點都會有一袋看雪櫃。因為當你唸唔到煮乜時, 就係佢出場既時候......拿拿拿....係咪講中哂先?!

 撈哂所有野落去, 份量真係唔好問我喇, 我自己都寫唔出。 想入味D醃一晚,冇時間既一個中都得既~~

想唔洗鑊就入焗爐, 每邊焗15分中左右。 不過其實我覺得煎係好味D嫁。不過我懶囉...連焗盤都唔使洗, 鋪上兩層錫紙。  嘻嘻.....真係懶要懶到盡呀!!!

咁又攪掂一餐喇~~

鬼佬番夜既話, 雞翼就成為咗我既常伴, 就好似上星期咁....

星期一    自己BBQ就食咗4隻雞翼
星期二    將琴晚醃好但未燒既雞翼, 再煎香, 加多少少餸做咗上面個一人餐
星期三    將星期二食剩既一人餐再帶飯
星期五    鬼佬响屋企食飯, 又係煮雞翼 (南乳雞翼)

前世同雞有仇~~~