早幾日鬼佬上綱搵咗段片教人整雞卷, 見到都流哂口水呀, 因為有我最愛既芝士同鬼佬最愛既煙肉...不得之了呀~
所以一定要响到同大家分享食譜呀~
材料:
雞扒 , 煙肉片, 芝士一塊, 洋蔥, 蕃茄醬 (我用金寶牌香甜蕃茄), 香草碎, 鹽, 面包糠, 雞蛋, 面粉
1. 雞扒先去皮, 再於上面灑上香草及鹽, 並均勻搽上蕃茄醬
2. 鋪上煙肉片、芝士 、洋蔥碎, 卷起雞卷 (有機會雞扒卷唔到, 會不斷掉哂D料出黎, 如果咁就將雞扒左右摺埋就算)
3. 將雞卷鋪上面粉, 再上蛋液, 最後用面包糖覆蓋著
4. 將兩邊炸至表面金黃後, 入焗爐180度焗20分鐘即成
一切開就流出芝士溶液,美味到不得了。食時可配蕃茄醬, 伴菜方面隨你喜歡。 我就炒咗D西蘭花同紅黃椒伴食。
呢個真係好鬼好食。雖然我未見過一般西餐廰有呢個菜, 不過我相信如果有一定賣起碼80蚊, 但咁簡單既菜, 自己整加埋都唔使30蚊呀喂!
快D試吓喇喂~~~
炸嘢,我啱食呀!
回覆刪除先炸再焗感覺冇咁熱氣...
刪除