三色椒爆炒鵝腸

 雪櫃有包急凍鵝腸, 唸唸吓都成個月前買喇, 拿拿林整鬼咗佢黎食先。 

平時打邊爐我都好鐘意食鵝腸, 特別係有白色部份越多我越Like。 但新鮮鵝腸好難買到, 所以嗰次見有急凍就買包番黎試吓玩。

煮既方法好簡單, 都不外乎係嗰D汁嗰D配料。

食後感: 都係新鮮嗰D好食好多, 而且急凍既有點"un"囉, 已經汆哂水贊哂酒都係有陣"up"味, 我唸係D腸唔靚囉!

材料:

急凍鵝腸

三色椒

蒜頭, 蔥頭, 洋蔥

1. 鵝腸先用薑, 酒水汆水, 瀝乾備用

2. 熱鑊爆香蒜, 蔥頭, 洋蔥,, 加入鵝腸及三色椒兜炒

3. 沿鑊邊贊酒, 再兜炒一陣

4. 加入調味 (蠔油1湯匙, 生抽1湯匙, 糖半匙, 水半碗) 煮一陣, 埋獻即成

 再煲番個苦瓜粟米薏米湯, 清熱解暑