豬肺湯就煲過幾次, 但杏汁就第一次, 難得街坊有個搾汁機可以借比我, 一於攪攪新意思。
叫豬肉檔幫你清乾淨,$20一個包洗。其實依家D肉檔已經洗得好乾淨, 番黎再啤一陣水已經可以喇。
洗好既豬肺要用白鑊炒佢,見佢出水就倒咗D水, 再繼續炒, 炒到冇水出為止就可以 (記得豬肺要切大件, 因為會縮水嫁)
材料: 豬肺1個, 瘦肉$20, 雞腳8隻, 蘋果2個, 金華火腿適量
南北杏, 龍王杏, 米 (用來打杏汁) 用水浸2小時
炒好豬肺後, 將所有野掉哂落去煲,記得唔好太多水, 因為最後要倒一碗杏汁落去
煲緊既時候可以準備杏汁喇!有人打杏汁就隔幾次渣, 不過我懶, 係咁e打完幾次就算lu~ 打好杏汁後用魚袋袋好D渣, 煲湯2個半鐘後將杏汁連渣倒入湯內再煲多半小時。
美味既杏汁豬肺湯就有得飲喇.
雞腳同豬肺點豉油最好味, 比我KO哂~
雖然係好麻煩, 不過真係值得煲。因為當我唸起曾經响大排檔叫過一煲杏汁豬肺湯要四舊水時, 乜都抵番哂, 飲得更滋味呀~
中秋節快樂呀!
回覆刪除多謝..大家咁話
刪除