這個冬天不太冷

都已經11月喇, 今年個冬天黎得真係遲。黎到11月中都仲係咁熱, 本來今次聚會原先唸住食大閘蟹, 不過見今年D蟹好一般, 價錢都唔多抵。

計落都係打邊爐又平又正, 飲飽食醉每人都係二百蚊, 仲要食唔哂, 好抵呀!!!

 海鮮拼盤 - 海蝦$80/12隻、花甲$48/斤、貴妃蚌$30/斤

 桶蠔 - $58(細桶)

 最愛既雞子同牛骨髓

 鬼佬最愛既唐好, 山根同炸魚皮

仲有手切牛頸脊$160磅冇映到, 購自荃灣楊屋道街市1樓三昌牛肉檔, 呢檔D牛真係冇得頂, 我每次都係幫襯佢, 又新鮮又抵食。入口即溶, 老細仲好友善。

但係唯獨一到假期因為太多人買野既關係, 可能做到手忙腳亂, D肉就會變成"厚切", 當日我買既牛頸脊都變成"牛扒"了...

除咗牛頸脊, 牛舌, 牛白肉.....仲有好多牛既部份都值得一試嫁!

熱氣過後, 又係時候煲番D清熱湯水平衡吓了 - 求其响惠康買個木瓜湯包, 自己加多兩個蘋果落去, 潤潤佢先。