材料: 豬展 / 豬橫脷 / 淮山 / 霸王花 / 甘旬 / 赤扁豆 / 薏米 / 薑
"養子一百歲, 長憂九十九"
呢句說話真係幾時都啱用。 好似鬼佬咁, 人到中年, 離開個家閒閒地都廿幾年, 我同佢都十年啦, 每次番去奶奶到食飯都總叫我煲呢樣、沖嗰樣.....
老爺又話: "煲豬橫脷淮山呀, 一日飲兩次"
奶奶又講:"沖花旗參飲呀, 捱夜最啱......羅漢果啦, 佢食煙呀......"
如果我同鬼佬有三個口, 四個胃, 五條排尿管, 我應該做得到佢地講既所有野~
哈哈....都明白每個呀媽都緊張自己囝囡, 不過我話哂都自小入廚, 對煮食煲湯養生都甚有研究同興趣, 娶到我做老婆真係唔使擔心呢樣野啦!
豬橫脷淮山嘛~ 日日飲就冇可能嫁喇, 點都保證每星期起碼一次湯水~
豬橫脷 - 其實唔係豬既脷(舌頭), 係豬既脾臟, 有健脾胃, 助消化, 去肝火的作用
淮山 - 健脾益胃, 益肺止咳, 降血糖
霸王花 - 清熱潤肺, 解毒消腫
我阿媽都會煲豬橫俐的。。我覺得豬橫脷其實都幾好食。
回覆刪除點豉油正呀
刪除我之都煲過豬橫脷，加上細個媽咪都有煲，所以知道豬橫脷湯有益。不過，霸王花就唔煲得啦，飲完會暈。
回覆刪除咁緊要? 會暈...不過都聽聞佢係偏涼的, 所以我都落咗幾片薑.
刪除