今日會開始毒L之旅, 因為會去One Piece名古屋本店朝聖。
我地三個都係one piece迷, 所以今次我地亦稱為"三個毒L去旅行"
响到買咗好多野, 勁開心呀!!!
去完朝聖, 點都要去吓D出名地方 - 大須觀音
大須觀音入面有好多條街, 四通八達, 如果認真行, 我唸一日都未必行得哂。
朋友做過search , 搵到呢間大松食鰻魚飯三食,
其實好多時我地都唔想一人叫一個餐, 因為唔想咁飽食唔到其他野。不過之前睇過日本人唔係咁鐘意呢種做法, 但我地真係唔想咁飽, 所以我地今次三個人叫一餐share。
不過店主好好, 一D都冇介意。我地叫完一個飯後, 佢好友善咁比三個碗我地, 仲送多兩碗湯比我地, 太好人了。
鰻魚真係好好食, 燒到又香, D汁又好味, 鰻魚啖啖肉。 估唔到三食既第三食 (即係倒D茶去同D飯一齊食)係咁好味嫁!
食完飯又再繼續大須行。 嘩....今次不得了! 無拿拿比我地發現咗一間ONE PIECE CAFE, 真係完全估唔到~~
去到門口我尖叫囉!!!!
店主好明顯都係一樣ONE PIECE迷, 將自己買番黎既收藏品全部放响間Bar到, 等志同道合既人一齊欣賞。
(如果响大陸.....呢D收藏品既命運........大家估到啦)
連飲品都用入面既人物起名, 真係有意思~
今次既毒L之旅, 真係唔係人人啱玩。好彩朋友既女友今次唔得閒黎唔到, 如果唔係佢會唔明我地做乜會咁興奮。
晚上又再回長濱市附近食拉麵, 由於雞同鴨講, 又睇唔明餐牌, 我地亂叫一通, 本來只係想每人叫碗拉麵, 點知黎咗三個餐, 有麵有餸有飯有湯.....飽到我地反哂眼。
沒有留言:
張貼留言