第四日既行程會去滑雪, 我地八點起身, 响附近既Cafe坐低食個早餐先出發。
响長濱市AEON隔離有間Cafe, 一入去就要除鞋, 鬼佬話總之著對冇鞋帶既波鞋過黎, 唔使下下都除得咁辛苦。因為日本有好多食店都要除鞋入去嫁。
日本咖啡比較淡, 我地差不多每日都飲咖啡。除咗會响Cafe坐低飲外, 因為周街既便利店都有咖啡機, 仲係即磨, 只需一百日元 (即$7港紙), 所以每次一渣車去到SA休息, 都必定會買一杯嘆吓。
响香港...? 好難喇! 坐低飲唔好話冇位, 人又多, 就連買杯咖啡都唔會咁平呀!
食完早餐就出發去奧伊吹滑雪場喇~~ 車程大約1個半小時。
好可惜今日天氣好差, 仲落大雨, 雖然雪場有開放, 不過落住雨滑雪攪到全日濕哂, 好"呢hea"呀!
滑雪冇映到相, 因為我太驚驚, 又學極都唔識, 只係响下面玩吓就算, 鬼佬同我朋友就玩咗好多轉。其實我都想上山滑落黎嫁, 但真係驚驚, 又係咁跌, 跌咗又唔識起身。好樣衰囉!!!!
滑完雪番去長濱市搵飯食, 本來想去當地一間出名既食堂食滑蛋飯, 點知六點半去到發覺佢收七點! 其實當地好多食堂都收好早, 七點已經好靜嫁喇。
香港有土地問題, 老細們都想賺到盡, 用到D員工盡, 邊會有七點就收鋪既情況出現.....
唉......
响香港 - 只有生存, 沒有生活!
又比我地發現咗間迴轉壽司收十點半, 嘩....正! 好多都係一百日元......
三個人食咗三十幾碟, 仲要好好味, 刺身大大件又新鮮, 每人都係一百蚊港紙....抵呀!!!
番到香港我再見到D壽司, 真係唔想食, 又貴又唔新鮮......鬼佬話:"都唔明你之前點可以放得落爭鮮D野入口嫁"
我依家明了, 真係唔想再食香港D日本野了......
沒有留言:
張貼留言