呢排都覺得自己身體冇之前咁好, 可能運動唔夠 (其實一星期都已經跑兩日步嫁喇, 雖然每次只係廿分鐘) , 而且飲多咗酒。
之前只要咁KEEP住運動兩日, 係唔會有鼻敏感發作, 但依家兩日已經唔夠了, 基本上三日唔做運動, 身體又開始話我知要動起來。 因為鼻敏感又來了~~~
今朝起身仲咳起上黎, 氣管勁唔舒服。
點算好? 明天再約咗朋友行山。唸住搵醫生睇, 點知星期日冇開~~~ 唯有响屋企左摷摷右摷摷, 搵到有D氣管藥, 但得番一粒......唔理了, 食住頂住先。 拿拿聲落街買百合番黎煲雪梨, 希望飲完聽日做埋運動就好番啦!!!
睇黎真係唔能夠懶了, 之後要加大運動量, 脂肪同身體都响起警報了!!!
今次咳咗一個星期, 煲咗好多野飲, 又食咗D感冒沖劑, 始終都係"牛"唔好. 最後都係要睇西醫, 食咗一日藥基本上好番哂. 之後自己又煲吓野飲, 調理吓...都總算拿拿聲就回復哂! 所以話, 平時做多D運動真係好好多, 不過今次太睇得起自己了, 以為唔使食西藥就得, 好彩都係食咗一日西藥啫~
回覆刪除