今日既行程係先去五ヶ瀬ワイナリー (五瀬町酒場), 然後再去高千穗。同行朋友係龍友一名, 為咗唔令佢辛苦帶黎既重型武器冇用武之地, 今日既映靚相行程是必然的。
五瀬町酒場 - 起初上綱睇以為佢係一個造紅酒既地方, 點知原來佢係一個賣紅酒既地方。 有點失望, 可能自己做功課時睇錯野掛~ 不過去旅行係跌跌撞撞先過隱嘛!! (自己安慰自己)
酒莊就冇喇, 一望無際既草場就有~ 黎到呢到, 雖然睇唔到想睇既野, 不過都食咗個早餐、買咗D當場特產, 咁樣令自己個心好過點吧~~
响駕車去酒場途中, 發現到D古怪野........
嘩.....好有心機呀! 將D草剪到動物咁, 原來呢到係一個養動物既地方, 大家估下係咩動物~~
係鹿呀!!!
咁大個人第一次見到鹿!! 有角嫁!!
咁啱有人餵緊佢地, 好得意呀!! 一見有人餵野食, 就成班走埋黎, 有D有角鹿唔知有鐡絲綱, 對角係咁"click"住個綱, 個場面好攪笑呀!!
我地响到停留咗一陣, 映下靚又繼續前進喇~ 自駕既好處係, 你可以睇到平時睇唔到既野。
去到高千穗, 就係我個龍友朋友出動既時間喇...睇佢係咁用呢枝鏡嗰枝鏡, 再換鏡頭係咁映...映...映......
我就只係用數碼相機 , 同一個位置同一個境, 映出黎果然差好遠!
樓碼相機作品
龍友作品
雖然本人既數碼作品確係好一般, 不過都响到放幾張獻吓醜啦
映呀映, 响高千穗留咗兩個幾鐘, 食埋個流水麵就回程喇~~
回程比我地經過一個應該係狗場既地方, 全部都係柴犬,,,好可愛呢~~
沒有留言:
張貼留言