今日既行程係要去阿蘇火山玩滑翔!!!! 其實一直都好期待呢個行程, 因為可以响空中飛黎飛去, 千零蚊港紙真係好想玩。
點知火山封咗, 除咗冇得上火山, 一切活動都停止, 包括滑翔!!! (冇得坃喇....喊.....)
駕車到火山前途經呢個道の駅 阿蘇, 因為大家都未食早餐, 所以一於落車睇吓佢乜料
呢到其實係一個火車站, 不過來往既火車就唔多, 而且好耐先有一班
我地停留咗一個鐘先見到一班火車响到停低, 而且火車好短, 載客亦唔多, 睇黎係一D長途既火車黎。
(我同條龍友好低能, 見到架火車好興奮, 老遠咁跑去映相, 跟住一路企响到唸住等佢開車嗰吓, 點知佢勁耐都唔開, 我放棄咗)
火車站隔雜有一個小小既市場, 有好多便當賣, 而且賣完係可以坐响入面食, 有埋丁丁爐可以翻熱嫁~~
花多眼亂, 我真係好想所有便當都買哂呀。個個款都好吸引呀!!
除咗便當, 佢仲有D呀蘇當地野賣, 我就買咗包2KG既米喇!!!
水果蔬菜都有, 係一個小小既街市
最後三個人每人唔同_
鬼佬買咗豬扒飯 - 少咗D汁, 但個豬扒好軟, 好味
龍友朋友買咗牛肉飯 - 好食到不得了。 已經唔係新鮮熱辣辣既牛肉, 都唔明點解都可以咁好食
我買咗九色便當 - 嘩....佢D飯真係好好味, D配菜睇落好似好少咁, 其實勁飽
雖然滑翔唔到, 不過可以試到咁地道既便當食堂, 又食到咁好食既便當, 都已經好滿足了~~
沒有留言:
張貼留言