LION 漫漫回家路
有份角逐今年最佳電影, 而且係真人真事改編, 吸血鬼相當有興趣~~
(內有劇透....)
故事係講有位印度小朋友因一次走失, 從此同家人失散, 後來有好心澳洲夫婦收養。廿幾年後決心用現有科技尋回家路~~
Saroo(主角)同Guddu(哥哥)係一對好好感情既兄弟, 同埋媽媽、妹妹一家四口住响一個落後既小村莊。
經常要出去打工搵錢既哥哥, 因為一次夜晚要坐火車到外工作, 由於弟弟太眼訓而响火車站訓覺等哥哥, 醒番發現哥哥唔見, 最後竟然去到好遠既地方
幾經轉折, 佢被一對澳洲夫婦收養咗, 從此離家就更遠了。
廿五年後, Saroo慢慢記起兒時既回憶, 決心要搵番家人。佢用零碎既回憶, 再加上GOOGLE EARTH, 最後回到家鄉。
回家後見回媽媽、妹妹, 可惜哥哥Guddu已不在人世了.....
主角係10年前演百萬富翁既主角, 真係一別十年, 唔講我完全認唔到佢!
吸血鬼幾喜歡呢套戲, 雖然唔係D好催淚既戲, 但全套戲感覺好真實, 每個角色都演得好自然。
最後仲有條片係拍番真實既主角回印度時, 領養母親同親生母親見面既片段。全村人拍手既畫面, 確係好感人!
沒有留言:
張貼留言