幸運是我

本身唔係太鐘意睇港產片, 不過呢套幸運是我係吸血鬼認為一套唔錯既作品。

兩個鐘頭既劇情雖然黎得平淡, 但每一個位置都可以令人去欣賞。可能題材亦太寫實, 令你唸起當身邊人有老人痴呆時, 自己會面對既情況~ 

 响從來冇睇過片頭同故事內容情況下去睇呢套戲, 初頭我以為佢地係兩母子, 點知原來係一對完全冇關係既人

 男主角係剛從廣東移民到香港, 而又剛失去母親既廢青。 態度惡劣、口臭, 初初睇真係好憎呢個角色嫁~

巧合下遇上獨居而患有老人痴呆既婆婆, 斷而搬咗去一齊住.....

男主角响入面既變化演得好自然, 嗰種開頭粗聲粗氣既態度, 睇到我真係想一巴星落去

但其實佢表面上既冷漠係因為家庭問題

內心既空虛令佢一直武裝自己

搬入婆婆屋企、 响中心工作後、 認識到社工後, 內心開始有變化

原來套戲有張繼聰喎~ 不少笑位都係由佢一手演出....

惠英紅真係好好戲, 佢演腦退化婆婆真係出神入化, 含住淚大大聲講:"你講吓渣! 你唔好真係掉低我喎" 真係好似一個呀婆企响你面前鬧你咁~

男主角都做得好好, 希望日後有更多佢既作品可以欣賞。